Monday, May 28, 2018

அண்ணன் வரட்டாம்!!


அண்ணன் வரட்டாம் !!
.அவனுகளுக்கு பொழுது போகாட்டா "அண்ணன் வரட்டாம்" எண்டு கூப்பிட்டு ஊறப்போட்டு அடிப்பானுகள் .
போக்கிரி ,சிவகாசி, திருப்பாச்சி என பல படங்கள்ள விஜய் அண்ணா எல்லா ரவுடி, கட்ட பஞ்சாயத்து ஆளுங்கள போட்டுத்தள்ளுன காலமும் அந்த காலந்தான் .  விஜய்  இங்கேயே   வந்து அதுவும் எங்க ஊருக்கே வந்து  அண்ணனையும் அண்ணண்ட ஆட்களையும் (இப்பவும் அண்ணன் எண்டா யாருன்னு புரியலயா? அப்பிடியே பின்னால வாங்க வாசிக்கிட்டு)  அடிச்சு அடக்கிட்டு வாழ்க்கை ஒரு வட்டம்டா வண்டி சில்லு சதுரம்டா எண்டு எல்லாம் பஞ்ச் டயலாக் பேசுற மாதிரி எல்லாம் கனவு கூட கண்டிருக்கன் ..............
இப்டியான காலகட்டத்தில மாரிகாலத்து மழைநாள் மயிண்டைக்க பசி எடுக்க,நம்ம வயிறுதான் சும்மா இருக்காம "டிரம்ஸ் சிவமணிய" கூட்டியாந்து கடகட என  வாசிக்க தொடங்கிட்டு; பிரிட்ச்ச தொறந்து அப்பிள் ஜூஸ் வும் நேத்து மக்டொனால்ட்ல வாங்கின பேர்கர்ரும் எடுத்து சாப்ப்டுவமெண்டு குசினிக்க போக......((த்தூதூ))
சொதிக்க கிடந்த மரவள்ளிகிழங்க எடுத்து திண்டும் பசி அடங்கல , ""தம் சிக்கு தம் சிக்கு""ன்னு ஜோதிகா பாட்டுக்கு கேட்டு வெளியில போனா கறுப்பா இருக்கிற நம்மள அப்பிடியோ கழுவி வெள்ளையா ஆக்கிற அளவுக்கு மழை வானத்தை புளந்து ஊத்த பார்த்திட்டு இருந்துச்சு .
அம்மாட்ட போயி வாயவிட்டு மட்டுமில்ல வயிறு குடல விட்டெல்லாம் கேட்டன் .
.அம்மா பசிக்குதும்மா!!
கோதும மா வாங்கிவா ரொட்டி சுட்டுதாரன்னு சிம்பிளா ஒரு பதில் சொன்னாங்க .பட் அந்த டீலிங் எனக்கு புடிச்சிருந்துச்சு
மழை தூறிட்டு இருக்கிறதால ரெயின்கோர்ட்ட எடுத்து போட்டுட்டு என் அப்போதைய "ரோயல் என்பீல்ட்டான"  பிரேக் இல்லாத லுமாலா சைக்கிள தள்ளும் போது இந்த குடைய கொண்டு போன்னு ஒரு நீட்டு கறுத்த குடைய குடுத்தாங்க ஆனா அந்த கருத்த குடை என்ன குடையோ குடைன்னு குடையுமுன்னு நினைக்கல
.மெயின்ரோட்டால போன அந்த "அண்ணன் குறுப் " ஆட்கள் எதுக்கும் புடிச்சி  எடுத்திருவானுகள் .நீ ஊருக்க இருக்கிற கடைக்கே போயிட்டுவான்னு வேற அட்வைசு (ஆனாலும் மெயின் ரோட்டு கடைக எல்லாம் சூரியன் மறையுதோ இல்லையோ ஆறு மணிக்கு முதல் மறஞ்சிடும்..ஏன்னா ஆறு மணிக்கு பொறவு எப்பிடியோ ஒரு வெடிச்சத்தம் கேட்கும் கட்டாயம் கடைய பூட்டித்தான் ஆகனும் .அதுக்காக ஆறுமணிக்கே பூட்டுத்து புள்ள குட்டிக கூட செட்டில் ஆகிடுறது).
ரெயின் கோர்ட்ட போட்டாலே நமக்கு சுவிஸ்லாந்துல இருக்கிற பீலிங் வந்துடும் தானே.அந்த குடையையும் சைக்கிள் கண்டில்ல நீட்டி வைச்சிட்டு என்பாட்டுக்கு மிதிச்சிபோயிட்டு இருந்தன் ..போயிட்டுத்தான் இருந்தன்.
அந்த ஒரு சந்தி! அந்த சந்திதான் எங்க ஊரு  அம்மன் கோவிலுக்கு பூசைச்சாமன்  எடுத்து வார பட்டண குடி ஆட்கள் மாதிரி எப்பவும் வெடிச்சத்தம் கேட்டுட்டே இருக்கிற சந்தி அந்த  சந்திக்கு கிட்ட வந்திருப்பன்.அங்க அண்ணனின் விழுதுகள் ரெண்டு மூனு  பேரு கும்பலா  நிக்கிற கண்டுத்து .நாம எதுக்கு அவனுக கிட்ட போய் கயித்த பட எண்டுத்து   டக்குன்னு சந்திக்கு போகாமலே முன் ஒழுங்கையால சைக்கிள வெட்டி கொஞ்சம் ஸ்பீட்டாவே ஓடியிருப்பன் போல..
கோதுமை மா வாங்குறம் ரொட்டி தின்னுறம் என ஆயிரம் ஆயிரம் கனவுகளுடன் அந்த கிராமத்துகிளி சைக்கிளின் அந்த கடைக்கு கிட்ட வந்துட்டன்.ரெண்டு மோட்டர்பைக் பறந்து வருது.யாரையோ சுடப்போறானுகளா இல்ல யாரகண்டோ பயந்து ஓடிவாரனுக எண்டு நினைச்சுத்து என ரொட்டிகனவோட சைக்கிள சைட் ஸ்டாண்ட் போட்டுத்து அண்ணன் ரெண்டு கிலோ மாத்தாங்கன்னு கேட்டதான் தாமதாம்.
வந்த பைக் ரெண்டு காலுக்க நிக்குது.ஒருத்தன் கைய உயத்துடா எங்கிறான்.இன்னொருத்தன் செக் பன்னு செக் பன்னு எங்கிறான்..இன்னொருத்தான் நான் பார்த்தன் நான் பார்த்தன் துவக்குதான் துவக்குதான் .இவந்தான் அண்டைக்கும் வந்தவன்.எண்டு செந்தமிழ் அர்ச்சனை .
ஆஹா இவனுகளுக்கு பயந்து நாம சைக்கிள வெட்டி எடுத்துட்டு வந்தா நமக்கு பயந்து இவனுக வந்துருக்கானுக. கொஞ்சம் மிஸ் ஆகினாலும் ரொட்டி தின்ன முடியாது.நம்மத்தான் சட்ணியா ஆகபோறம் தோனுச்சு.
என்ன என்ன இங்க பிரச்சனைன்னு கடைக்காரன்னன கேட்காம அவரும் உள்ளுக்க ஓடித்தார் .நான் மட்டும் தனி ஆள் .முதல்நாள் பார்த்த ரஜனி படத்துல காலை சுழட்டி நாலு பேரை தனிஆளா அடிச்சதெல்லாம் நினைவுக்கு வரவே இல்ல .கை காலெல்லாம் உதற ஆரம்பிச்சிடுச்சு.
சிலுவையில அறைஞ்சி உட்ட ஜேசுநாதர் மாதிரி கை ரெண்டும் மேலையே நிக்குது. நீ யார்டா நீ..கேள்வி மேல கேள்வியா கேட்கானுகளே தவிர பதில் சொல்ல உடல. இது போக எனக்கு கிட்ட ஒருத்தனும் வாரானுகளும் இல்ல. தற்கொலை போராளின்னு நினைச்சிருப்பானுக போல..இதுக்குள்ள எனக்கு லைட்டா ஒண்டு ரெண்டெல்லாம் வார மாதிரி பீலிங்.
அண்ணன் நான் கோதும மா வாங்க வந்தன்.ரொட்டி ரொட்டி சுட சுட ....பயத்துல ரெண்டு மூனுதர சுட சுடன்னு சொல்லியிருப்பன் போல ..அவன் இருந்த பயத்துக்கு அவனத்தான் சுடவந்தன்னு நினைச்சிட்டான் போல.கிட்டவரானுகளே இல்ல தூரத்துல நின்னே யாருடா நீ யாருடா நீ  என "சொல்லுங்க சொல்லுங்க பாம்பேயில நீங்க என்ன செய்திட்டு இருந்தீங்கபாட்ஷா படபாணியிலே கேட்டுத்து இருந்தானுக
ஒருத்தன் தைரியமா வந்த போட்டிருந்த ரெயின் கோட்ட கழட்டினான் .அப்பிடியே இடுப்ப தடவி பார்த்தன் .பிஸ்டல் இருக்கான்னு செக் பண்ணியிருப்பான் போல எனக்கு வேற இடுப்புல கைய வைச்சா கூகூகூச்ச்ச்ச்சம் வர நானும் கொஞ்சம் கைய தட்டி உட அவன் அலர்ட் ஆகிட்டானுக.
அப்புறதான்  ஒருத்தன் கேட்டான்
கொண்டுவந்த சாமான் எங்கெண்டு ?
இல்ல அண்ணன் சாமான் வாங்கத்தான் கடைக்கு வந்த மா !!மா !! கோதும மா ரொட்டி தின்ன (அவன் சுட்டாலும் ரொட்டி தின்னுறத உடுறதா இல்ல)
டேய் ..(சில பல பூனாக்கள் சூனாக்கள்) கையில் வைச்சிருந்த துவக்கு எங்கடா ?
துவக்கா??
அப்பத்தான் நான் கொஞ்சம் ரிலாக்ஸ் ஆனன் .ரெயின் கோர்ட் போட்டிருக்கு தானே ..குடைய எதுக்கு புடிகெண்டு சைக்கிள்ள முன்னுக்கு வைச்சி கொண்டு வந்ததையும் இவனுகள சந்திய கண்டுத்து வெட்டி ஓடிவந்ததயும் தப்பா சிங்குரோனஸ் பண்ணி நம்மள போட்டுதள்ள பார்த்தானுகள் எண்டு.
அண்ணன் அது துவக்குல்ல குடை குடை மழைக்கு கொண்டுவந்த இந்தா இருக்குன்னு வேலி ஓரத்துல சாத்துனாப்போன கிடந்தத காட்டினன்..
டேய் !
அதுக்குள்ள இருக்கும் எடுத்து பாருன்னு ஒருத்தன் இன்னொருத்தன சொன்னான்.
கழிசறைகளுக்கு இன்னும் பயம் போகல.எனக்கோ உள்ளுக்க சந்தோசம் .ஒருகுடைய வைச்சே இவனுகள இப்பிடி பயமுழுத்தாட்டி போட்டமேன்னு.தனி ஆளா நின்னு ரவுடிகள ஒழிச்ச விஜய்ன்னா  பீலிங் தலைக்கு பின்னுக்கு ஓடிட்டு இருந்தாலும் முன்னுக்கு ஒருத்தன் லோட் பண்ணுன துவக்க இறக்காம வைச்சிருந்தான்..
அதுக்கப்புறமா ..நம்மள டம்மி பீஸ்ன்னு அவன் கணக்கு போட ..நம்மள விட அவன் டம்மி பீஸ்ன்னு கணக்கு போட்டுத்து.வீரமா நானும் வர அவனுகள் "வீரா" ன்னுட்டு போயிட்டானுகள்.
மறக்காக கடக்கார கூப்பிட்டு ரொட்டிக்கு மாவ வாங்கிட்டு போனதெல்லாம் வரல்ல்ல்ல்ல்லாற்று புத்தகத்து பாடத்திட்டதில சேர்க்க வேண்டிய விடயங்கள்.