Wednesday, September 3, 2014

வீதி

அந்த வீதி எப்போதும் சுறுசுறுப்பானது


எறும்புகளின் தொடர் ஊர்வலமாய் 
வாகன அணிவகுப்புகள்

அம்புறாத்துணியில்
அடுக்கிய அம்புகளாய் 
அரசுப்பேருந்தில் ஆட்கள்

கவர்ச்சி கரகாட்டம்
ஆடும் கார்கள்,
பக்கவாத்தியமாய் 
பவனி வரும் வான்கள் 

சிறுத்தையென சீறும்
சின்ன சின்ன மோட்டர்வண்டிகள்
வெள்ளுடை தேவதைகளில் 
பள்ளிக்கூடவாகனம்
சைக்கிள்  எனஎல்லாம் கடந்து போயிற்று

அப்பா!!எதுப்பா மாட்டுவண்டி ? என கேட்டு 
நிற்கும் மகளுக்கு என் சொல்வேன்!
தலைமுறை இடைவெளி பற்றி!