Thursday, June 19, 2014

விடலை பருவம்

வெட்கமறியா விடலை பருவத்தில்
வெயிலை அள்ளி பருகியிருந்தோம் 
வெந்தனலாய்  வீதிதகிக்கும்  வேளைகளிலே
வெற்றுகாலில்  நடைபயின்றிருப்போம்

மழையாகி வானமழும்
மாலைநேரங்களில்  
மகிழ்வோடு நனைத்ததில்
மறந்தே போனது கவலைகள்


பனங்காய் சில்லுவண்டி,அந்த கால 
பணக்காரதனமான கார் எங்களுக்கு,
கிட்டிபுள்ளுக்கு குழி தோண்டியதில் 
கினற்றுமடுவாகியது வீதியெல்லாம்

நாவல்பழம் உண்டு மருதானியிட்டு
நாக்குகளை அழகுபடுத்துவோம்,
நாக்குநுனியால் எட்டிஎட்டி 
எச்சில் ஊற்றி மீசை வளர்த்திருந்தோம்

காலம் மாறியது, காகிதபணத்தின்
காலடியில் அடிபணிந்தோம்,
கவலைகளோடு  கைகோர்த்தோம்
கண்ணீரில் மூழ்குகின்றோம் !!