Monday, February 22, 2010

என் கவிதைகளையாவது காதலித்து விடு

இப்போதெல்லாம் உன்னை
பற்றி கவிதை எழுத தோணவில்லை .
நீ வார்த்தைகளுக்கு அப்பால்
பட்டவள் என்பதை
இப்போதுதான் தெரிந்து கொண்டேன் .

உன் கூந்தல் காட்டுக்குள் சிக்கி கொண்டு
வார்த்தைகள் வரமுடியாமல் தவிக்கின்றன .
என்னைபோலவே .

உன் பெயரை கடதாசியில் எழுதி
துண்டு சிட்டுகளாய் வானில் வீசி
எறிந்தேன் .
என்ன ஆச்சரியம் பட்டம் பூச்சிகளாய்
மாறி பறந்து போயின அவை .

 மாய சூனியக்காரியே
என் உயிரை உன் இதய கூட்டுக்குள்
அடைக்க என்ன மந்திரம் பாவித்தாய்
நீ



சிலந்தியின் வலையில்
சிக்கிய பூச்சி போல்
உன் காதல் வலையில் விழுந்து
கிடக்கிறேன் .
விட்டு விடு என்னை ,உன்னுடன் காதல் செய்ய வேண்டும்
நான் .



பார்க்கும் போது சீதையை போல் இருக்கிறாய் 
ஆனால் என்னை சூர்ப்பனகையாய் கொல்கிறாய் 
என்ன கொடுமை இது 



எனக்காக இல்லாவிடினும் 
என் கவிதைகளுக்காகவாவது காதலித்து விடு 
சாப்பிடும் போது காலை சுற்றும் 
பூனை போல உன்னையே சுற்றி வருகின்றன  அவை 

.