Tuesday, February 9, 2010

வகுப்பறை காதல்


உன் பக்கத்தில் அமர்வதை விட
எதிரில் அமர்வதையே
அதிகம் விரும்புவேன் நான்.
வார்த்தைகளை விட
உன் பார்வையாலே அதிகம் பேச முடியும்
என்பதால் .

ஏதோ புத்தகத்துக்குள் மயிலிறகு போல
என் காதலும் அடங்கி கிடக்கிறது,

பொருத்தமாய் தான் இருக்கிறது .
வெள்ளை ஆடை உனக்கு
தேவதைகள் வெள்ளை உடை அணிந்துதான்
வருவார்களாம் .

உன் பார்வை எத்தனை பாடங்களை
எனக்கு புரிய
வைத்தது .
புவி ஈர்ப்பு விசை
கதிர் வீச்சு
சூரியன் ,
காந்தம்

அப்பப்பா மொத்தத்தில்நீ
ஒரு பேராசிரியை

உனக்கு அந்த வகுப்பறை நினைவு இருக்கிறதோ
தெரியாது .ஆனால்
என் நினைவுகளோ அங்கேதான் இருக்கின்றது.

உனக்கும் எனக்கும் தான் பரிட்டையில் போட்டியாக
இருக்கும் .பெரும்பாலும் நான்தான் வெல்வதுண்டு.
அதற்கெல்லாம் சேர்த்து காதல் பரிச்சையில்
வட்டியுடன் என்னை எப்போதும் தோற்கடித்து
விடுவாய்..