Wednesday, February 3, 2010

வெள்ளி கிழமையும் என் காதலும்

தலையணை கூட எனக்கு இன்று
வெள்ளிகிழமை என அலாரம் அடிக்கும் .
உன்னை விட அதனுடன் தான் அதிகம் பேசியிருப்பேன்
உன்னை பற்றி .

உன்னை பற்றி பாடும் பாடல்களினால்
எனது குளியலறை சுவருக்கு
காது முளைத்து இருக்கிறது.

எனது உடுப்புகள் இரண்டு சண்டை போட்டுக்கொண்டு
இருக்கின்றது .உனை பார்க்க போகும் போது
தன்னையே போட்டு செல்லுமாறு .


நீ கோவிலுக்கு வரும் வீதியினை சூரியன் தனது வெயிலால்
 வெள்ளிக்கம்பலம் விரித்துகாத்து கிடக்குறது.
உன் தாவணியுடன் சண்டை இட்டு ஓய்ந்து போகிறது
காற்று.

எனக்கு மட்டும் கூடு விட்டு கூடு பாயும்
வலிமை இருந்தால் உன் வீட்டு பூனையாய்
எப்போ மாறியிருப்பேன் .உன் காலை சுற்றி கொண்டே
உன்னை காதல் செய்திருப்பேன் .


இன்று உன்னுடன் உன்அண்ணாவின் மகன் துணைக்கு
ஏதோ தெருவோர நாய்க்கு போடும் பாண் துண்டினை போல்
உன் புன்னகைக்காய் ஏங்கி நிக்கிறேன் வீதியில்

கோவிலுக்குள் நீ வந்து விட்டாய்
வழியில் கிடந்த என் இதயத்தை பாராமல்

நீ கால் கழுவகிணற்றடிக்கு வந்தாய்
என் இதயத்தில் இருந்து காதல் நீர்
உனக்கு உற்றுகிறேன் .
தேங்க்ஸ் ஆங்கிலம் உன் நாவில்
கூடவே ஒரு புன்னகை
அப்படியே அந்த கிணற்றுக்குள்
குதித்து செத்து விட தோணியது
எனக்கு .

நீ கடவுளை சுற்றுகிறாய்
நான் உன்னை சுற்றுகிறேன் .
உனக்கும் எனக்கும் இங்குஒரு ஓற்றுமை
நீ கடவுளை அடைய வழி தேடுகிறாய்  .நான்
உன்னை அடைய வழி தேடுகிறேன்

உன் அண்ணாவின் மகனுக்கு
விபூதி பூசிவிட்டு கண்ணை முடி ஒரு தரம்
ஊதி விட்டாய் .அதில் பல
அடி துரம் சென்று விளுதேன் நான்

தலையில் சூட நீ எடுத்த மல்லிகை பூவை
பார்த்து மற்ற பூக்கள் பொறாமை பட்டது
உனக்கேங்கு தெரிய போகிறது.

நீ வீசி உடைத்த தேங்காயின்  சில்லுகளை பொருக்கி எடுக்கிறதுஒருகூட்டம்
சிரிப்புதான் வருகிறது எனக்கு உன்னால் உடைத்து நொறுங்கி கிடக்கும் என் மனதை நினைத்தால் .

எனவே வெள்ளிக்கிழமையே நீ வாழக பல்லாண்டு................................என்னவளுக்காக