Friday, January 22, 2010

கொழும்பு நகர தெரு


ஆயிரம் அடையாளங்கள் உள்ள தெரு
நான் வசிக்கும் தெரு

மட்டகுளியவில் உள்ள
அழகிய (அழுகிய )தெரு
நாளொரு (நாயொரு )வண்ணமும்
பொழுது ஒரு மேனியுமாய் (பூனையுமாய் )
வளர்த்து வந்த(வரும் ) தெரு

குப்பைகள் பலவிதமாய்
கிடைக்கிறது (கிடக்குறது )எங்கள்
தெருவில் .
எங்கள் தெரு பரு இருக்கும் முகம் போல்
மேடும் பள்ளமுமாய் கிடக்குறது .

எங்கள் தெரு மாநகர சபையின் செல்ல பிள்ளை போலும்
எது நடந்தாலும் கண்டு கொள்ள மாட்டர்கள்

நடைபாதைகளே அநேகரின் வீட்டு முற்றம்
சிலருக்கு கடையாகியும் போகும்
மழைக்கு குடை பிடிப்பதை விட
காகத்திற்கு குடை பிடிப்பதே
முக்கியம் .வெளியில் செல்லும் போது
பூனை குறுக்கருக்காது .
காகம் எச்சமிடும் ஒரு
மாதிரியான தெரு இது .

ஆடைகள் காயப்போடும் இடமாக
மாறிவிடும் இது .
அநேகரின் உள்ளாடைகள்
கூட கொடி கட்டி(காட்டி)பறக்கும் .

எங்கள் தெருவில் வசிப்பவர்கள்
அனைவருக்கும் தலை குனிந்து
மரியாதை கொடுக்க வேண்டும்
இல்லா விடின் உங்கள் தலை இருக்காது .
உடுப்பு காய போடும் கொடி
கழுத்தை வெட்டி விடும் .

எங்கள் தெருவுக்கு வருபவர்களே
தயவு செய்து உங்களுக்கு
மூக்கு இருப்பதை மறந்து
விட்டு வாருங்கள் .
ஆனால் கண்ணை வேண்டும் என்றால் இன்னும் இரண்டு
கடன் வாங்கி பின் பக்கம் வைத்து கொண்டு வாருங்கள்